Safari ya Mwanza kuwa mji wa utalii bado

Submit Cancel

Na Charles Kayoka, Mwananchi

Posted  Alhamisi,Marchi20  2014  saa 16:56 PM

Kwa ufupi

Mji kuwa wa kiutalii ni lazima uendelezaji wa maeneo, ujenzi wa majumba, barabara, na matumizi ya maeneo ya mji (landscape management), uwe katika mazingira ya kuwavutia watalii wa ndani na wa nje.

Nashukuru kwa simu chache nilizopata kutokana na makala yangu ya wiki iliyopita ambayo ilizungumzia Mwanza ina uwezo wa kuwa mji wa kiutalii, lakini mpaka sasa hakuna matangazo ya kutosha.

Ninaposema kuwa mji wa kitalii, au utalii, nina maana kubwa sana, lakini la msingi ni serikali ya eneo husika inapaswa kuwekeza vya kutosha sana katika miundombinu, utangazaji wa vivutio, na utengenezaji wa matukio ambayo yenyewe yataufanya mji na matukio hayo kuwa vivutio (destinations).

Mji kuwa wa kiutalii ni lazima uendelezaji wa maeneo, ujenzi wa majumba, barabara, na matumizi ya maeneo ya mji (landscape management), uwe katika mazingira ya kuwavutia watalii wa ndani na wa nje. Mji wa Mwanza, kama ilivyo miji mingine nchini haiendelezwi kwa mtazamo huo, na huwezi kuuangalia mji tu bali unapaswa kuwa na mtazamo wa kiutalii. Kwa mfano kuwa na hoteli kubwa, hakuufanyi mji kuwa na sifa ya utalii. Watalii hawaji kuona hoteli, wanataka kuona nini kipo ndani mji. Lakini pia wanataka kuona namna gani wanaweza kufika sehemu mbalimbali za mjiji na namna gani watafika huko kwa kuwa na mfumo wa barabara ya uhakika.

Mji unapaswa kuwa mfumo wa uongozaji (navigation indications) ambao hautamlazimu mtalii kuuliza maswali mara kwa mara bali kuwa na mfumo ambao utamsaidia mtalii kufika moja kwa moja kwenye eneo husika la utalii. Mji unapaswa kuwa kivutio (destination) kwa sababu ndani kuna maeneo au matukio ambayo yanasaidia kuwafanya watalii wauchague kama mji wao wa kuutembelea. Mwanza kuna vivutio vingi sana, lakini havijaendelezwa ili kuwavutia watalii na kuuchagua mji huo kuwa wa kitalii, hasa watalii wa nje.

Vivutio viilivyondani ni; ziwa na eneo la utalii la Bujora ambavyo havijatangazwa. Kazi ya kuutangaza mji ni jambo ambalo haliepukiki. a utalii. Kwa kweli kuutangaza utalii kunahitaji mikakati ili kuwavutia watu. kushangaa.

Ckayoka28@yahoo.com, 0766959349