TEMBO 26 WAHARIBIFU WA MAZAO WALIULIWA SERENGETI

TEMBO 26 WAHARIBIFU WA MAZAO WALIUAWA SERENGETI.

Serengeti:JUMLA wanyama pori 40 wameuliwa na askari wa idara ya wanyama pori wilayani Serengeti,kati ya hao 26 ni tembo waharibifu wa mazao na maisha ya watu  kwa kipindi cha toka mwaka 2006 hadi 2013 .

Kwa mjibu wa taarifa ya Mkurugenzi Mtendaji wa halmashauri ya wilaya hiyo Goody Pamba kwa wadau wa uhifadhi waliokutana kujadili athari na mbinu za kukabiliana na tatizo la uharibifu wa mazao unaofanywa na wanyama waharibifu kwa jamii wanaoishi kando ya hifadhi ya Taifa ya Serengeti na mapori ya akiba.

Alisema tembo hao wameuliwa katika maeneo mbalimbali  ya wilaya hiyo ambapo kwa mwaka huu tembo 5 wameuawa katika vijiji vya Makundusi na Nyichoka wakati wa kuwafukuza baada ya kuingia kwenye makazi na mashamba ya wananchi.

Idadi ya Tembo kwenye mabano walivyouawa,mwaka 2006(2)2008(6)2009(7)2010(6)2011(2)2013(5)mbali na wanyama hao wapo wengine waliouawa kama kiboko(6)mamba(2)Simba(1) na nyani(5).

Na maeneo ambayo yanavamiwa na wanyama hao ni Matare,Robanda,Bisarara,Makundusi,Kwitete,Nyichoka,Mbalibali,Manchira,Nyansurura,Nyamakendo,Tamkeri,Nyamburi,Natta,Borenga,Mto Mara,Park nyigoti,Issenye na Itununu.

Hata hivyo taarifa hiyo ilizua maswali kutoka kwa wadau mbalimbali kutokana na baadhi ya watumishi wa idara ya wanyamapori ,kaimu afisa wanyama pori wilaya Cathbert Boma na askari wa idara hiyo Omar Hussein kukamatwa na kikosi cha operesheni okoa maliasili kwa tuhuma za ujangili.

Kwa kipindi cha mwaka 2006 hadi sasa watu 14 ,ng’ombe 72,mbuzi440,Kondoo 60 wameuliwa,watu 4 wakijeruhiwa ,mashamba 3042 yenye zaidi ya ekari 6,287 yameharibiwa na wanyama hao hatari,ambao wamepelekea bei ya mahindi kupanda kutoka sh.9,000 hadi sh.14,000 kwa debe la mahindi.

Mwisho.